روائع الشيخ الهامل ///وغواتك الدنيا مشيتى فى هواها ///

وغواتك الدنيا مشيتى فى هواها واخرتها رجعتى من طابلة لطابلة تطلبى فى الصالوواة
رجعتى كى الكلبة المكلوبة معندهاش مولها رجعتى كى الجيفا عافوك حتى البنات
كنتى معاية كى الوردة الرجال تتمنها ومنين غواتك الدنيا شوفى حالتك كى ولات
الوردة كى تذبال غير الشادى يرعاها والشادى يا خاوتى وقتاش اعرف قدر الوردات
المريظة كى تمرظ ويغيب ادواها ترجع تجرى مور الطلبة والقزانات
اه شفتى رائيك وين وصلك يا الجعانة شفتى
يحسراه يحسراه كى كنتى معاية كيفاش كنتى حتى البنات وكانوا يكحلوا اعليك
اعرفتك جيعانة مى معاية اشبعتى ومكانش حاجة كنت نعزها فيك
كاع الخير لى درتوا فيك وغدرتى وسمحتى فى القلب لى كان متمنيك
يابدالة الرجال قولى واش اربحتى وخبرينى علاش هذى الدموع لى راها فعينيك
نعرف غدروك كيما انت غدرتى عارف بلى زواوش القرمود داروها بيك
زواوش القرمود داروها بيك
يحسراه كى كنتى معاية كيفاش كنتى كانوا يكحلوا اعليك
اعرفتك جيعانة مى معاية اشبعتى ومكانش حاجة كنت نعزها فيك
كاع الخير لى درتوا فيك وغدرتى وسمحتى فى القلب لى كان متمنيك
يابدالة الرجال قولى واش اربحتى علاش علاش هذى الدموع لى راها فعينيك
نعرف غدروك كيما انت غدرتى عارف بلى زواوش القرمود داروها بيك
زواوش القرمود داروها بيك
وغواتك الدنيا مشيتى فى هواها واخرتها رجعتى من طابلة لطابلة تطلبى فى الصالوات
لى جرات مور الدنيا الدنيا تروح تنسها والدنيا هذى يا ختى من زمان فيها حكاية وحكايات
الدنيا عند المارقين بزقة ما تسواها الشبعانين باعوها مى شراوها الجيعانات
تغيظنى عمرى علاش من الصبح لليل وانت قاعدة فى صالو غير على جال باش تاكلى بيدزا وتروحى لدار
ومنين ذاك يجيك بوسروال مزير سروالوا مى هو عريان وداير روحوا قدامك ناس كبار
غير يغزر فيك تتبسمى عينيك يذبالوا الحكاية تكبر غير فى ليلة ونهار
هو يقولك واش ابغا يخبرك بحالوا وانت زعمة تحشمى تذبالى وجهك يحمار
اقريب نرجع فى هذى الدنيا منفهم والوا مى الحمارة صح مايليقلها غير حمار
انت ولى اعرفتى كاع كيف كيف والله ما كاين فيهم لامرا ولا راجل
انا نعرف المرا والراجل عندهم النيف والرجال ما تساومش النساء فى الطوابل
انت خفيفة عقلك خفيف ولوكان جات ليا نخرجلكم كارطات المهابل
والا مكانش كاع تموتوا بظربة بسيف مشى ظلم هذا الحكم راه عادل
علاش يا خواتى رسالة الحب وقع فيها تحريف وكان نسينا وظعنا راه يظيع الشعب كامل
عندوا كاع واش تحب المرا فى الراجل هكذاك وتلقاه يطيح فى قدروا فى الصالوات
فيق روحك صاحبى الخير راه فاظل عيب عيب الشبعان يجرى مور الجيعانات
انا شفت وجربت منيش غافل والله والله ما يريحوا فى الطوابل غير الجيعانات
لوكان جات هى مرا وعندها راجل والله خويا ما نلقوا لهذى اللحقات
انا كلامى قلتوا ونظن راهوا مفهوم وهذا الكلام كاع راه اعليك انتيا
رانى اعليك يالى قلبك بعشرة مغروم رانى اعليك يالى بقيتى شفاية فى الدنيا
ومزالكى تخلصى ياظالمة المظلوم والله والله ما تعيشى فى الدنيا متهنية
والله والله ما تعيشى فى الدنيا متهنية
بدلتنى بدلتنى خدعتنى وخدعتى حتى روحك وخدعتى حتى العبد لى بدلتنى بيه
انا اعطيتنى ماظيك وصغرك وهو واش ابقى ليوم يا شابة تعطيه
لوكان غير فكرتى شوية بعقلك والله ماراكى درتى الشئ لى درتيه
غدوى تكبرى وتندمى على رائيك وتعرفى قدر العبد لى خليتيه
قولى غير كى ديرى كى يسئلك ويقولك احكيلى على الماظى لى عشتيه
كان احكيتيلوا صح راهويكرهك واذا كذبتى معنتها خنتيه
على هذا لى قلتلك خدعتنى وخدعتى حتى روحك وخدعتى حتى العبد لى بدلتنىبيه
لوكان جات منى وانا لى بدلتك كلام كيما هاك والله ما تسمعيه
ومن بصح البروبلام الفراق جاء منك غواتك الدنيا حبيبك خليتيه
انا ما غاظنيش الحال كى بدلتنى وقد ما كنتى مرا انا راجل اعليك
انا نعرف بلى ما كرهتنى ما بغيتنى هذا الشئ من الاول نعرفوا فيك
والله والله ما غاظنى حالى قد ما غظتنى صغيرة شابة الدنيا لعبت بيك
غواك الفانى رحتى نسيتنى الفانى يفنى عمروا مايبقى ليك
مى راه جاى النهار لى تتفكرنى تتفكرنى يا الشابة الدموع فى عينيك
مى راه جاى النهار لى تتفكرنى تتفكرنى الدموع فى عينيك

يحسراه يحسراه كى كنتى معاية كيفاش كنتى حتى البنات وكانوا يكحلوا اعليك
انت صح كنتى جيعانة مى معاية شبعتى مكانش حاجة كنت نعزها فيك
كاع الخير لى درتوا فيك وغدرتى سمحتى فى القلب لى كان متمنيك
يابدالة الرجال واش اليوم اربحتى علاش علاش عذى الدموع لى راهى فى عينيك
نعرف بلى تغدرتى كيما انت غدرتى زواوش القرمودفى الصالو داروها بيك
زواوش القرمود داروها بيك
غواتك الدنيا مشيتى فى هواها واخرتها رجعتى من طابلة لطابلة تطلبى فى الصالوواة

لى جرات مور الدنيا الدنيا تروح تنسها والدنيا هذى يا ختى من زمان فيها حكاية وحكايات
الدنيا عند المارقين بزقة ما تسواها الشبعانين باعوها مى شراوها الجيعانات
من الصبح لليل وانت قاعدة فى صالو غير على جال باش تاكلى بيدزاوتولى لدار
من الصبح لليل وانت قاعدة فى صالو يجيك العريان وهو داير روحوا ناس كبار

روائع الشيخ الهامل ///وغواتك الدنيا مشيتى فى هواها /// Glitte12

روائع الشيخ الهامل ///وغواتك الدنيا مشيتى فى هواها /// Glitte12

» روائع الشيخ الهامل ///بعد ما كنت وحدي ربي لاقاني بيك///
» روائع الشيخ الهامل ///جيتك يالبحر ///
» روائع الشيخ الهامل ///مديرش اعليها سيد الرايس ///
» روائع الشيخ الهامل ///مزالت ليام وتجيبك ///
» روائع الشيخ الهامل // الى راك باغية نعيشو متهنين//