روائع الشيخ الهامل ///مديرش اعليها سيد الرايس ///

مديرش اعليها سيد الرايس كذابة ماتمنهاش راهى باغية غير تبلعطك
سيد الرايس انا هذا خرجت معاه ودرت النية ودرنا تصاوير وقلنا نخلوهم سوفونير
وبعد ما طلبت منوا الفراق دار اعليا ويقول مدام عندى تصاوير نعرف واش ندير
على هذا لى جيت رفت قظية خايفة يفظحنى مع لى نويتوا لافونير
خايفة يفظحنى مع لى نويتوا لافونير
سيد الرائيس راهى تقول خايفة يفظحنى مع حبيب القلب لى تمنيتوا لافونير
وانا هذى هى الحاجة لى تقتنى كى نسمع كلام كيما هاك والله غير نحير
لى يسمع لكلامها وميفهمش يكرهنى ويحسبنى حقار قاسى مافياش الخير
سيد الرايس انا الرجال راها تعرفنى منيش نتع حقرة ملى كنت صغير
انا عند الرب هذى الطفلة حقرتنى وزيد بزيادة حقرت حبيبها تع لفونير
انا اعرفتها صغيرة وكبرت معاية وسرات بينى وبينها حكاية وحكايات
قبل ما تحكم سيد الرايس افهم القظية وباش تفهم لازم تفهم القصية منين بدات
كانت زعمة فوحد الوقت تعشق فيا وكانت معاهدتنى تبقى معاية حتى للمات
حتى انا بغيتها وسرت معاها بنية واعطيتها عاهد الحب غيرها مانعشق بنات
مشى خطرة مشى زوج خرجت معاية تقدر تقول تحت كل شجرة خلينا ذكريات
كنا متفاهمين ومعرفتش كيفاش دارت الدنيا والشمعة لى كانت شاعلة ذابت وطفات
وحد اليوم فى الصبح صبحت اعليا حطت عندى ورقة وراحت مشات
اسمع واش كتبت بيدها فى البرية هاكى اقراى بريتك ياكبيرة الخاينات
اقراى بريتك ياكبيرة الخاينات
يوم24مارس 2005
عزيزى الغالى ان كنت تحبنى فراجئ الاخيران تبتعد عنى والى الابد
كونك تحب السراحة سا اكون اليوم سريحة معك
الى ابعد ابعاد الحدود واتمنى ان لا تغظب حينما تبصر عيناك هته الكلمات الظائعة
اعترف لك حبيبى انك تحبنى لكن للاسف لكن للاسف لا استطيع ان اكون لك وحدك
احلامى وامالى اكبر من ان يتحملهم عقلك الصغير احلامى كبيرة وامالى كتيرة وعالمك صغير
للاسف صغير لذا قررت ان ارحل عن عالك اليوم قبل الغد لى طلب اخير
هو ان تدفن تجربتى معك فى مقبرت النسيان لكى لا يسمع بها احد
الوداع سهام
اه معليش انا عالمى صغير مى بصح لى يديك كى يدير
انا هذا الكلام بكانى وبكيت وقلت علاش يا دينا متمشيش قبالة
اعيت نفكر ونفكر وبعدها ديسيديت احملت قلم وورقة واكتبت رسالة
والله ما غاظتنى عمرى ولا لحب لى حبيت قد ما تغيظنى كى نشوف مرا تتنقمر على الرجالة
الشئ لى طلبتيه منى رانى قابل فارقينى والعيب فيا مشى فيك
العيب فيا انا صح نستاهل النقس فيا مقدرتش نعمرلك عنيك
متفاهمين لى بينى وبينك مكانش مشكل والله والله من ليوم منزيد نحوس اعليك
الفراق ساهل مى يبقى مشكل لازمك تحلى الراباط لى ربتيه بيديك
تعرفينى نيشان عشت معاك راجل وفلحق معلابالى لا بيهم لابيك
المشكل لى بقا كى قلتليى استرنى معنتها كاينة جريمة راكى معترفا بيها
ياك عشت معاك وراكى تعرفينى منيش مجرم باه الجريمة نتكتم اعليها
باش نوظحلك الامر وتفهمنى لى عشقك بعدى لازم حكايتى يسمع بيها
قوليلوا كاين وحد قبلك اعشقنى نقطة بنقطة التفاصيل كل ترويها
متنسايش قوليلوا كان يعنقنى وقوليلوا هذى الوردة الشيخ قبلك اتمتع بيها
متنسايش قوليلوا كان يعشقنى اوقوليلوا هذى الوردة قبلكالشيخ الهامل الشيخ اتمتع بيها
هذا هو الشئ لى رانى طالبوا منك وكان جات صعيبة انا ساهلة اعليا
كان مقدرتيش تخدميها من الواجب نخدم خدمتك ندير الواجب باش الرجال متروحش ظحية
حتى انتى تتهناى ويزول عذابك ومتبقايش تحسى بذنب بين صبحة وعشية
الراجل لى بعدى لازم يعرف سرك سكاتك خيانة والخيانة متخرجش اعليا
اللولين قالوا قيس ودير يدك على قلبك لى توجعك توجع صاحبك فى هذى الدنيا
لوكان يطيح زهرى فى وحدة مثلك ونسمع بعد الزاج نعرف كاين حوايج متخبية
شكون اعرف بلاك تبانلى نقتلك وكى ماندير والوا نسمح فى مرتى ومعاهم انتيا
وكى ماندير والوا نسمح فى مرتى ومعاهم انتيا

سيد الرائيس راهى تقول خايفة يفظحنى مع حبيب القلب لى تمنيتوا لافونير
وانا هذى هى الحاجة لى تقتنى كى نسمع كلام كيما هاك والله غير نحير
لى يسمع لكلامها وميفهمش يكرهنى ويحسبنى حقار قاسى مافياش الخير
سيد الرايس انا الرجال راها تعرفنى منيش نتع حقرة ملى كنت صغير
انا عند الرب هذى عند الرب حقرتنى وزيد بزيادة حقرت حبيبها تع لفونير
انا اعرفتها صغيرة وكبرت معاية وسرات بينى وبينها حكاية وحكايات
قبل ما تحكم سيد الرايس افهم القظية وباش تفهم لازم تفهم القصية منين بدات
كانت زعمة فوحد الوقت تعشق فيا وكانت معاهدتنى تبقى معاية حتى للمات
حتى انا بغيتها وسرت معاها بنية واعطيتها عاهد الحب غيرها مانعشق بنات
مشى خطرة مشى زوج خرجت معاية تقدر تقول تحت كل شجرة خلينا ذكريات
كنا متفاهمين ومعرفتش كيفاش دارت الدنيا والشمعة لى كانت شاعلة ذابت وطفات
وحد اليوم فى الصبح صبحت اعليا حطت عندى ورقة وراحت مشات
اسمع واش كتبت بيدها فى البرية هاكى اقراى بريتك ياكبيرة الخاينات
اقراى بريتك ياكبيرة الخاينات

» روائع الشيخ الهامل ///جيتك يالبحر ///
» روائع الشيخ الهامل ///بعد ما كنت وحدي ربي لاقاني بيك///
» روائع الشيخ الهامل // الى راك باغية نعيشو متهنين//
» روائع الشيخ الهامل ///مزالت ليام وتجيبك ///
» روائع الشيخ الهامل ///وغواتك الدنيا مشيتى فى هواها ///